فوضــى المشاعــر



my best friends .. <3

كيكاشي : شواخ (هي بنوتة مملوحه دبدوبه وتدخل القلب بسرعه هي حلوه وسمره ودلعها دلع يهال يا ربي كتكوته هالانسانه وقلبها وايد حنون محد يقدر يكرها  نحن انسميها ام التنقيعات ههه  وايد بريئة  كل البنات و الابلوات يحبونها لانها كتكوته فديتها اتحب أتغامر ووايد أتساعدنا ف الدراسه وكل حد يرمسها يرتاح لها حبيبتي والله )

دفوشه: تامي(هي بنت حلوة قصيرة شوي حنطاويه  وشعرها بني غامج لين نص ظهرها شخصيتها قويه وايد وقياديه بالفطره وشوي عصبيه بس وايد حبوبه الي ما يعرفها بيقول مره مغروره من شكلها بس هي العكس تماما و واااااايد اتضحكنا كوميديه ماشاءلله عليها  و ينوثق فيهاوالي يرمسها يرتاحلها بسرعة وهي فوضوية و اتحب المشاكل و الضرابة و المغامرة مثلي ..انا وفطوم وايد نضارب بس ما نقدر نزعل من بعض فديت روحها خخخ)

(الحين دوري انا نكي مس عنقاش:ريمو ( يقولون اني دفشه وايد و ها احلى ما فيني ولكن حبوبة وطيوبه وارابع الناس بسرعه وجريئه ومشكلتي اني اثق ف الناس بسرعه والي ف قلبي ع لساني الي يشوفني يفهمني غلط بس يوم يعرفوني يحبوني احب الفوضى واحب اغامر نحن الاربع محد يقدر يفرقنا ما نعرف نزعل من بعض احب المدرسة بسببهم كل يوم نضحك نتمشكل ويا بعض لو استوى اي شي لازم انكون ويا بعض .. كلنا غير عن بعض شخصياتنا متعدده و مميزه محد يفهمنا و انا ما شفت بنات مشاكسات مثلنا واغلب البنات يوم يشوفونا يقولون ( عصابه  ) هههه كشخه  )

سبوش :سبا (هي بنت كيوته بيضاء ماشاءلله عليها تلبس نظارات و شعرها بني فاتح وطويل هي واااااايد حبوبه بس هبله واتضحك وصريحه وعادي اترمس اي حد ما تستحي واتصادق البنات بسسسرعه ماشاءلله عليها الي يرمسها يرتاح وهي شاطره ف الدراسه و واااايد طيبه لدرجه ان البنات يستغلونها بسرعه قلبها يحن  مثل شواخ و اتخاف اتغامر وتحب الكوريين فديتها والله .. الله يحفظنا ويخلينا لبعض) 

(( يا دنيا علميهم ان الصداقة سر الحياه ))

                                                                                      بقلم : ريم محمد..